Telefon raqamini onlayn qayta rasmiylashtirish

Xizmat narxi va qayta rasmiylashtirish shartlari Kompaniyaning amaldagi tartibi asosida belgilanadi.
Muddati: 1-5 ish kunida
Kim foydalanishi mumkin: jismoniy shaxslar

Bu qanday ishlaydi?
1. Ariza beruvchi Yagona interaktiv davlat xizmatlari portalida avtorizatsiyadan (yoki ro‘yxatdan) o‘tadi va ariza beradi.
2. Arizada raqamni qabul qiluvchi to‘g‘risidagi ma’lumotlar ko‘rsatiladi, shundan so‘ng avtomatik ravishda tegishli so‘rov yuboriladi.
3. Abonent raqamini qabul qiluvchi shaxsiy kabinetda xabarnoma oladi.
4. Qabul qiluvchi raqamni qayta rasmiylashtirish so‘rovini tasdiqlaydi yoki rad etadi.
5. Ariza beruvchi so‘rov natijasi to‘g‘risida xabarnoma oladi. Qabul qiluvchi so‘rovni tasdiqlagan taqdirda, ariza beruvchi arizani yakunlaydi.
6. Ariza mobil aloqa operatori tomonidan belgilangan tartibda ko‘rib chiqiladi.
7. Mobil aloqa operatori ariza tushgan so‘ng ariza beruvchini xizmat ko‘rsatish uchun to‘lov miqdori to‘g‘risida xabardor qiladi.

Telefon raqamini ofisda qayta rasmiylashtirish

Raqamni qayta rasmiylashtirish bo‘yicha yo‘riqnoma
Raqam faqat kompaniya ofisida qayta rasmiylashtiriladi.

Buning uchun shaxsni tasdiqlovchi quyidagi hujjatlardan birining asl nusxasi talab etiladi:
• Pasport yoki ID-karta;
• yangi namunadagi haydovchilik guvohnomasi;
• harbiy bilet (harbiy xizmatchilar uchun).

Raqamning amaldagi egasi (raqam kimning nomiga rasmiylashtirilgan bo‘lsa) va yangi egasining (kimning nomiga qayta rasmiylashtirayotgan bo‘lsangiz) hujjatlari zarur bo‘ladi.

Xizmat ko‘rsatish ofisi xodimiga murojaat qilib, qayta rasmiylashtirishni amalga oshiring.
• Raqamni boshqa shaxs nomiga qayta rasmiylashtirmoqchi ekaningizni ayting;
• Hujjatlarni ofis xodimiga topshiring va arizani to‘ldiring;
• Xodim ma’lumotlarni tekshirib, qayta rasmiylashtirish xizmatini ko‘rsatadi.
• Raqamni qayta rasmiylashtirish xizmati uchun 25 000 so‘m miqdorida to‘lov qiling.

Muhim!
Agar “chiroyli raqam” qayta rasmiylashtiriladigan bo‘lsa:
“Abonent to‘lovi evaziga oltin raqam” xizmati ulangan raqam qayta rasmiylashtirilmaydi.
Agar raqamga “Ijaraga chiroyli raqam” yoki “Muddatli to‘lov evaziga Oltin raqam” xizmati ulangan bo‘lsa, avval chiroyli raqamning to‘liq qiymatini (narxlar ro‘yxatiga muvofiq) to‘lash talab etiladi.
Chiroyli raqamning to‘liq qiymati to‘langanidan so‘ng, qayta rasmiylashtirish ofisda odatiy tartibda amalga oshiriladi.
Qayta rasmiylashtirishda chiroyli raqamning narxini kim to‘laydi?
Agar raqam “chiroyli” raqamlar toifasiga kirsa (amaldagi tasdiqlangan namunaga ko‘ra), uning avval qanday olinganidan (sotib olish, chegirma, aksiya, bepul) qat’i nazar, to‘liq qiymatini yangi egasi to‘laydi.
Agar xizmatning to‘liq qiymati to‘lanmasa, qayta rasmiylashtirish amalga oshirilmaydi.

To‘lovni qanday amalga oshirish mumkin:
• Balansni to‘ldirib, so‘ngra chiroyli raqam narxini yechib olish (chiroyli raqamning nominal qiymati bo‘yicha);
• “Muddatli to‘lov evaziga Oltin raqam” xizmatini ulash;
• Status turkumidagi tarifga ulanib, undan 1 yil davomida majburiy foydalanish.

Qachon to‘lov talab etilmaydi (“3 yildan ortiq” qoidasi):
• Agar mijoz chiroyli raqamdan 3 yildan ortiq foydalangan bo‘lsa, qayta rasmiylashtirishda raqamning to‘liq qiymatini to‘lashi shart emas.
• Agar “Abonent to‘lovi evaziga oltin raqam” xizmatiga ulanganga 3 yildan oshgan bo‘lsa, qayta rasmiylashtirishda chiroyli raqam uchun to‘lov talab qilinmaydi.
Agarda raqamning amaldagi egasi ofisga kela olmasa, uning o‘rniga vakili kelishi mumkin, biroq bunda raqam ko‘rsatilgan holda qayta rasmiylashtirish uchun notarial tasdiqlangan ishonchnomaning asl nusxasi bo‘lishi shart.

Raqamni onlayn va oflayn qayta rasmiylashtirish

Xizmat parametrlari

Telefon raqamini onlayn qayta rasmiylashtirish