Beeline Uzbekistan va UZINFOCOM sog‘liqni saqlash sohasida raqamli yechimlarni rivojlantirish bo‘yicha memorandum imzoladi

Beeline Uzbekistan va O‘zbekiston davlat axborot tizimlarini yaratish va qo‘llab-quvvatlash bo‘yicha Yagona integrator — UZINFOCOM sog‘liqni saqlash sohasida raqamli yechimlarni rivojlantirishga qaratilgan hamkorlik memorandumini imzoladi.

Memorandum davlat poliklinikalariga elektron yozilish tizimi — DMED’ni hambi superilovasiga integratsiya qilishni nazarda tutadi. Ushbu yechim foydalanuvchilarga davlat va tijorat xizmatlarini birlashtirgan yagona raqamli interfeys orqali tibbiyot muassasalariga qabulga yozilish imkonini beradi.

Loyiha tibbiy xizmatlar mavjudligini oshirish va raqamli vositalar orqali fuqarolarning sog‘liqni saqlash tizimi bilan o‘zaro aloqasini soddalashtirishga qaratilgan. Tomonlar DMED’ni hambi’ga integratsiya qilishni O‘zbekistonning millionlab aholisi uchun ijtimoiy ahamiyatga ega raqamli xizmatlardan foydalanish imkoniyatlarini kengaytirish hamda sog‘liqni saqlash sohasidagi raqamli infratuzilmani rivojlantirish bo‘yicha tizimli ishlarning bir qismi sifatida ko‘rmoqda.

“Beeline Uzbekistan uchun aniq va amaliy qiymatga ega raqamli servislarni rivojlantirish strategik ustuvor yo‘nalish hisoblanadi. Poliklinikalarga elektron yozilish xizmatining integratsiyasi hambi superilovasining ekotizimini mantiqan to‘ldiradi. Unda allaqachon telemeditsina xizmati mavjud bo‘lib, ushbu yechim mamlakat bo‘ylab tibbiy xizmatlar mavjudligini oshirishga xizmat qiladi”, — dedi Beeline Uzbekistan bosh direktori Andrey Pyataxin.

UZINFOCOM’ning sog‘liqni saqlashni raqamlashtirish bo‘yicha direktori Ruslan Sultonov ta’kidlashicha, Beeline Uzbekistan bilan hamkorlik raqamli tibbiy xizmatlar qamrovini kengaytirish va fuqarolarning tibbiyot muassasalariga elektron yozilishini osonlashtirish imkonini berishini ta’kidladi.

“DMED’ni hambi kabi millionlab foydalanuvchilarga ega ilovalarga integratsiya qilish fuqarolar uchun qo‘shimcha imkoniyatlar yaratadi va raqamli sog‘liqni saqlashni rivojlantirishda muhim qadam bo‘ladi”, — deya ta’kidladi. Uning so‘zlariga ko‘ra,  DMED’ni ommaviy raqamli mahsulotga integratsiya qilish O‘zbekiston sog‘liqni saqlash tizimida raqamli imkoniyatlarni rivojlantirishning muhim bosqichi hisoblanadi.

Tomonlar imzolangan memorandumni texnik va foydalanuvchi tayyorgarligini inobatga olgan holda loyihani bosqichma-bosqich amalga oshirish uchun asos, shuningdek, raqamli davlat xizmatlari sohasidagi uzoq muddatli hamkorlikning davomi sifatida ko‘rib chiqmoqda. Avvalroq Beeline Uzbekistan telekommunikatsiya sohasida MyID raqamli identifikatsiya tizimini joriy etishda ilk hamkorlardan biri bo‘lgan. hambi superilovasida raqamli tibbiy xizmatlarni kengaytirish ushbu hamkorlik yo‘nalishini davom ettirib, O‘zbekistonning millionlab aholisi uchun davlat va ijtimoiy ahamiyatga ega xizmatlar mavjudligini oshirishga qaratilgan.