Nukusdan Farg‘onagacha: Beeline Uzbekistan 2025 yilda tarmoqni qanday rivojlantirdi

2025 yilda digital-operator 450 dan ortiq yangi baza stansiyalarini ishga tushirdi, 650 ga yaqin mavjud aloqa ob’ektlarini modernizatsiya qildi, yirik xalqaro tadbirlarda uzluksiz aloqani ta’minladi va Opensignal va Ookla tomonidan tarmoq sifati xalqaro e’tirofga sazovor bo‘ldi.

Tarmoqni rivojlantirish yirik shaharlarda ham, mintaqalarda ham barqaror aloqa sifatini ta’minlagan holda kompleks ravishda olib borildi. 2025-yil davomida O‘zbekistonda 450 dan ortiq yangi baza stansiyalari (BS) ishga tushirildi, shuningdek, 650 ga yaqin mavjud obyektlar modernizatsiya qilindi, jumladan, mavjudlari yangilandi va yangi chastota diapazonlari qo‘shildi. Yangi baza stansiyalarni ishga tushirish bo‘yicha eng katta hajm Toshkentga to‘g‘ri keldi — poytaxtda an’anaviy ravishda foydalanuvchilar soni yuqori va tarmoq yuklamasi katta, shuning uchun 100 dan ortiq yangi bazaviy stansiya ishga tushirildi. Toshkent yangi stansiyalar bo‘yicha yetakchi bo‘lsa, modernizatsiya bo‘yicha yetakchi hudud Farg‘ona viloyati bo‘ldi. Tarmoqni tizimli rivojlantirish o‘tish qobiliyatini sezilarli darajada oshirishga va butun mamlakat bo‘ylab barqaror aloqa sifatini ta’minlashga imkon berdi.

“2025 yilda biz shunchaki tarmoqni kengaytirmadik — biz odamlarni, shaharlarni va hududlarni bog‘ladik, barcha aholiga tezkor internet mavjud bo‘lgan raqamli mamlakat yaratdik. Har bir yangi baza stansiyasi va har bir modernizatsiyadan o‘tgan obyekt odamlar uchun ishlash, o‘qish, muloqot qilish va zamonaviy raqamli xizmatlardan cheklovlarsiz foydalanish imkonini beradi,” — dedi Beeline Uzbekistan bosh direktori Andrey Pyataxin.

Yil davomida kompaniya hududlarda LTE tarmog‘ini kengaytirishni davom ettirdi. Masalan, Namangan viloyati, Yangiyo‘l tumani aholisi birinchi marta LTE tarmog‘iga ulandi, shuningdek, Chust va Pap tumanlari orasidagi yangi baza stansiyasi foydalanuvchilar uchun uzluksiz aloqani ta’minladi. Andijon viloyatida LTE qamrovi to‘qqiz tuman bo‘ylab kengaytirildi, jumladan, Shahrixon tumanidagi Qumariq mahallasi kabi chekka hududlarda ham.

“Alohida e’tibor asosiy transport yo‘nalishlari va infratuzilma obyektlarida aloqani mustahkamlashga qaratildi. Qo‘qonda yangi aeroport hududida aloqa kuchaytirildi, shuningdek, baza stansiyalaridan biri Tojikiston Respublikasi va Beshariq tumaniga olib boruvchi magistral yo‘l bo‘yida o‘rnatildi, bu esa strategik ahamiyatga ega marshrutda xizmat sifatini oshirdi,” — dedi Beeline Uzbekistan texnologiyalar va innovatsiyalar bo‘yicha director Gediz Sezgin.

Yilning alohida ustuvor yo‘nalishi tarmoqni xalqaro tadbirlarga tayyorlash bo‘ldi. Beeline Uzbekistan Xivada DJ Black Coffee konserti va Qo‘qondagi III Xalqaro hunarmandchilik festivali paytida uzluksiz aloqani ta’minladi. Bundan tashqari, noyabr oyida bo‘lib o‘tgan UNESCO Sammitiga tayyorgarlik chog‘ida Samarqanddagi tadbir zonalari va mehmonxona klasterlarida 15 bazaviy stansiya punktual modernizatsiyadan o‘tkazildi, bu esa pik yuklamalarda va ko‘p sonli xalqaro mehmonlar ishtirokida barqaror aloqa va yuqori sifatli mobil internetni ta’minladi.

Tarmoqni texnik rivojlantirishga sarflangan investitsiyalar xalqaro miqyosda ham e’tirof etildi. 2025-yilning birinchi yarmi bo‘yicha Beeline Uzbekistan Opensignal’ga ko‘ra O‘zbekistonda mobil interneti eng tez va tarmoq sifati eng barqaror bo‘lgan raqamli operator deb topildi, shuningdek, Ookla’ga ko‘ra mobil qurilmadan video tomosha qilish bo‘yicha eng yaxshi operator deb tan olindi.