GSMA M360 Eurasia 2025: Mintaqaviy raqamli transformatsiyaga e’tibor
Xabarlar
Tadbir oldidan GSMA raqamli rivojlanishga soliqqa tortishning ta’siri bo‘yicha tadqiqot natijalarini e’lon qildi
Ro‘yxatdan o‘tish boshlandi
2025-yil 15-aprel, London: M360 Eurasia uchun ro‘yxatdan o‘tish boshlandi. Tadbir 2025-yil 21–22-may kunlari ilk bor Toshkentda bo‘lib o‘tadi. Tadbir arafasida GSMA “Mobile Sector Taxation Report in Eurasia” (Yevrosiyo mintaqasida mobil sektorni soliqqa tortish bo‘yicha hisobot) nomli yaqin orada e’lon qilinadigan hisobotining asosiy natijalarini ma’lum qildi.
Hisobotga ko‘ra, Turkmaniston (51%), Tojikiston (42%) va O‘zbekiston (40%) kabi mamlakatlarda tarmoq mavjudligiga qaramay, mobil internetdan foydalanishda jiddiy to‘siqlar mavjud. Ushbu hisobotda qayd etilishicha, mintaqa bo‘ylab mobil texnologiyalarni joriy etish va ularga sarmoya kiritishdagi soliq yukini kamaytirish katta ijtimoiy-iqtisodiy foyda keltirishi va Yevrosiyo bo‘ylab raqamli transformatsiyani tezlashtirishi mumkin.
O‘zbekiston Respublikasi Raqamli texnologiyalar vazirligi hamda VEON guruhi tarkibiga kiruvchi Beeline Uzbekistan homiyligida tashkil etilayotgan M360 Eurasia 2025 tadbiri aloqa sohasining kelajagini belgilab beruvchi siyosat, investitsiyalar va texnologik yutuqlar kabi asosiy masalalarni muhokama qilish uchun muhim platforma bo‘lib xizmat qiladi.
GSMA’ning yangi bosh direktori Vivek Badrinath M360 Eurasia 2025 doirasida yangi lavozimidagi ilk ochilish nutqi bilan ishtirok etadi. Janob Vivek shunday dedi: «Ushbu tadbir sanoat vakillari va siyosatchilar o‘rtasida samarali muloqot uchun muhim platformani yaratadi. Biz soliq bo‘yicha hisobotimiz natijalari kabi yangi ma’lumotlar bilan baham ko‘rar ekanmiz, muhokamalar va hamkorlik orqali mintaqaning raqamli kelajagini belgilovchi asosli qarorlarni qo‘llab-quvvatlashni maqsad qilganmiz».
InterContinental Tashkent mehmonxonasida bo‘lib o‘tadigan M360 Eurasia mintaqaviy va global mobil ekotizim rahbarlarini bir joyga to‘plab, 5G, sun'iy intellekt, kiberxavfsizlik va raqamli infratuzilma sohalaridagi eng so‘nggi innovatsiyalarni muhokama qilish imkoniyatini yaratadi. Tadbirda yuqori darajadagi muhokamalar, panel sessiyalar va sanoat rahbarlari va siyosatchilarning chiqishlari bo‘lib o‘tadi.
O‘zbekiston Respublikasi raqamli texnologiyalar vaziri Sherzod Shermatov ta’kidladi: «O‘zbekiston M360 Eurasia va uning keng hamjamiyatini kutib olishdan mamnun. Ushbu tadbir innovatsiyalar, tartibga solish va fiskal siyosat, shu jumladan soliq solish kabi asosiy mavzular bo‘yicha muloqot maydonini yaratadi — bularning barchasi mintaqamizda raqamli aloqani rivojlantirishda hal qiluvchi ahamiyatga ega».
M360 Eurasia ishtirokchilari butun Yevroosiyo bo‘ylab raqamli o‘sishni rag‘batlantirish uchun strategik aloqalarni yo‘lga qo‘yish orqali mobil operatorlar va texnologik innovatorlar bilan hamkorlik qilish imkoniyatiga ega bo‘ladilar.
Beeline Uzbekistan bosh direktori Andrey Pyataxin: «M360 Eurasia hamkorlik uchun qimmatli platforma yaratmoqda. Homiy sifatida biz raqamli xizmatlarning rivojlanishi va ko‘proq insonlarni qamrab olishiga ta’sir ko‘rsatuvchi infratuzilma, investitsiya va siyosat, shu jumladan soliqlarning ta’siri haqidagi muhokamalaraga o‘z hissamizni qo‘shganimizdan mamnunmiz».
Raqamli transformatsiyaning iqtisodiy rivojlanishdagi ahamiyatini inobatga olgan holda, M360 Eurasia 2025 mintaqada mobil texnologiyalarning kelajagini belgilaydigan asosiy muammolar va imkoniyatlarni muhokama qilish uchun noyob platformani taqdim etadi. M360 Eurasia 2025 uchun ro'yxatdan o'tish boshlandi, va biz sanoat mutaxassislari, davlat organlari vakillari hamda texnologiyalar sohasidagi yetakchilarni ushbu muhim tadbirda ishtirok etishga taklif qilamiz.
M360 Seriyasi: mintaqaviy yo'nalish, global ta'sir
GSMA’ning M360 seriyalari innovatsiyalarni rag‘batlantirish, murakkab muammolarni hal qilish va biznesning barqaror rivojlanishi va ijtimoiy o‘zgarishlar uchun asos yaratish maqsadida mintaqaviy mobil ekotizimni birlashtiradi.
Ushbu tadbirlar soha mutaxassislari va fikr yetakchilari ishtirokida bilim almashish, professional aloqalarni o‘rnatish va mobil texnologiyalar kelajagini muhokama qilish uchun maydon vazifasini bajaradi.
- XULOSA –
GSMA haqida
GSMA — bu mobil ekotizimni birlashtiradigan global tashkilot bo‘lib, innovatsiyalarni topish, rivojlantirish va joriy etish uchun ishlaydi, bu esa samarali biznes muhitlari va ijtimoiy o‘zgarishlarni yaratishga asos bo‘ladi. Bizning maqsadimiz odamlar, sanoat va jamiyat farovonligi uchun aloqaning butun kuchini ochib berishdan iborat. GSMA mobil operatorlarni, mobil ekotizim tashkilotlarini va unga yaqin sohalarni namoyish etadi va o‘z faoliyatini uchta asosiy yo‘nalishda amalga oshiradi: "Yaxshilik uchun aloqa", "Tarmoq xizmatlari va yechimlari" va "Ma’rifiy faoliyat". Ushbu faoliyat ijtimoiy muammolarni hal qilishga yordam beradigan tartibga solishni ilgari surish, mobil sohaning ishlashini ta'minlaydigan texnologiyalarni qo‘llab-quvvatlash, shuningdek, mobil ekosistemani MWC va M360 seriyasidagi tadbirlarda birlashtirish uchun dunyodagi eng yirik platformani taqdim etishni o‘z ichiga oladi.
Biz haqimizda batafsil ma’lumotni gsma.com saytidan oling.
OAV uchun kontaktlar:
GSMA matbuot xizmati
Press-reliz GSMA tashabbusi bilan GSMA rasmiy yangiliklar tarqatmasi ma’lumotlari asosida chop etildi.