Beeline Uzbekistan nufuzli CIPS Excellence in Procurement & Supply Awards mukofotining qisqa ro‘yxatida

G‘oliblarni e’lon qilish va taqdirlash marosimi 2024-yil 18-sentabr kuni Londonda bo‘lib o‘tadi.

CIPS Excellence in Procurement & Supply Awards xalqaro mukofoti katta yutuqlar, innovatsiyalar va kasbni hamda kasbdan tashqarida rivojlantirishga sezilarli hissa qo‘shgan kompaniyalar yoki odamlarni e’tirof etadi.

VEON xalqaro telekommunikatsiya xoldingining bir qismi bo‘lgan Beeline Uzbekistan 2006-yilda tashkil etilganidan beri xilma-xillik va inklyuzivlikka ustuvorlik berib kelmoqda. Barcha uchun kommunikatsiyaga ko‘maklashish missiyasi bilan Beeline Uzbekistan ichki madaniyati yosh, jins, irq va qobiliyatlar bo‘yicha xilma-xillikni qo‘llab-quvvatlaydi. Asosan erkaklar sektorida ishlashiga qaramay, Beeline Uzbekistan xaridlar bo‘yicha jamoasi asosan ayollardan iborat va ko‘p millatli. Digital-operator, shuningdek, mamlakat bo‘ylab SIM-kartalarni yetkazib berish, logistika va infratuzilma muammolarini hal qilish orqali imkoniyati cheklangan odamlar uchun xizmatlardan foydalanish imkoniyatini yaxshiladi. Ushbu sa’y-harakatlar Beeline Uzbekistan xilma-xillik, tenglik va inklyuzivlik (Diversity, Equity, and Inclusion, DE&I) tamoyillariga sodiqligini aks ettiradi, bu mijozlarning qoniqishini oshirishga, ish muhitini yanada inklyuziv qilishga, shuningdek, kompaniyaning O‘zbekistondagi strategik maqsadlarini mustahkamlashga yordam beradi.

Ekspertlar hay’atining baholash natijalariga ko‘ra, kompaniya DE&I tamoyillariga yo‘naltirilgan loyihalar va tadbirlar ajratib ko‘rsatilgan "Xarid jamoalarida xilma-xillik va inklyuzivlikning ajoyib amaliyoti" nominatsiyasida mukofotning eng yaxshi uchta nomzodi qatoriga kirdi.

Markaziy Osiyodan kompaniyaning DE&I toifasiga nomzodi — bu raqamli operatorning mintaqada xilma-xillik, tenglik va inklyuzivlikni targ‘ib qilishga qo‘shgan hissasi e’tirofidir. Bundan tashqari, Beeline Uzbekistan VEON guruhining ta’minot zanjiri sohasidagi mukofotga nomzod bo‘lgan birinchi operatsion kompaniyasi bo‘ldi.