Beeline Uzbekistan va TMC Instituti hamkorlik borasida kelishib oldi
Xabarlar
Biz TMC Instituti bilan hamkorlik memorandumini imzoladik. Endi talabalarni o‘qish davridayoq real soha bilan yaqinlashtiradigan amaliyotlar, qo‘shma tadbirlar va boshqa ta’lim loyihalarini birgalikda rivojlantiramiz.
Memorandum o‘zaro hamkorlikning bir nechta yo‘nalishini mustahkamlaydi: bular qo‘shma tadbirlar tashkil etish, amaliyot dasturlarini rivojlantirish, bo‘sh ish o‘rinlari yarmarkalarida ishtirok etish hamda biznes va ta’lim muassasasi o‘rtasidagi hamkorlikni yanada mustahkamlashga qaratilgan boshqa tashabbuslardir.
Bu talabalar uchun raqamli operator faoliyati bilan ichkaridan tanishish, o‘zini real vazifalarda sinab ko‘rish va kasbga ilk qadamni qo‘yish uchun ajoyib imkoniyatdir.
“Biz TMC Institute bilan hamkorlik qilayotganimizdan mamnunmiz. Bu biz uchun talabalar bilan amaliyot va qo‘shma loyihalar orqali real tajriba almashish hamda ularga o‘qish davridayoq bo‘lajak kasblarini sinab ko‘rishga yordam berish imkoniyatidir. Mamlakatning raqamli iqtisodiyotini rivojlantirish uchun zarur bo‘lgan mutaxassislar aynan shunday yoshlardan yetishib chiqadi”, — dedi Beeline Uzbekistan operatsion direktori Andrey Pyataxin.
“Biz TMC Institute’da sanoat bilan yaqin hamkorliksiz sifatli ta’lim berish imkonsiz, deb hisoblaymiz. Beeline Uzbekistan bilan memorandumning imzolanishi — talabalarimiz uchun amaliy tayyorgarlik, kasbiy rivojlanish va karyerasini muvaffaqiyatli boshlash kabi yangi imkoniyatlar yaratish yo‘lidagi muhim qadamdir. Biz bu hamkorlikni yuksak qadrlaymiz va birgalikda kelajakning talabgir mutaxassislarini tayyorlay olishimizga ishonamiz. Har bir qadamda biz siz bilan birgamiz”, — dedi TMC Institute Karyera markazi rahbari Ulug‘bek Turobov.
