Yangi yil kechasi “Beeline Uzbekistan” mijozlari 36 million qo‘ng‘iroqlarni amalga oshirishgan

Trafik o‘sib borishiga qaramay, SMSlar hali ham o‘z o‘rnini yo‘qotishmagan: “Beeline Uzbekistan” Yangi yil kechasida mijozlar faolligini sarhisob qildi. Shunday qilib, Yangi yil kechasida O‘zbekiston aholisi SMS almashishgan. Operator tarmog‘ida 31 dekabrdan 1 yanvarga o‘tar kechasi 22,8 million xabar jo‘natildi, bu bir yil oldingiga nisbatan atigi 14 foizga kam. O‘zbekiston aholisi an’analarni saqlashda davom etishmoqda: Yangi yilda ular faol tarzda qo‘ng‘iroqlarni amalga oshirib, xabarlar yuborishgan. Shunday qilib, 2022-yilning 31-dekabridan 2023-yilning 3-yanvarigacha bo‘lgan bayram kunlari davrida umumiy qo‘ng‘iroqlar soni 280 milliondan oshgan, qo‘ng‘iroqlar davomiyligi esa 575 million daqiqani tashkil etgan. “Beeline Uzbekistan” maʼlumotlariga koʻra, SMS kamroq yuborila boshlagan, ammo unchalik ham kam emas: bir yil avvalgi 151,9 million xabarga nisbatan bayram kunlarida 138 million xabar yuborilgan. — An’anaga ko‘ra, mijozlarimiz Yangi yil arafasida juda faol bo‘lishgan, bu yil ham bundan mustasno emas. Hisob-kitoblarga ko‘ra, 31-dekabr soat 18:00 dan 1-yanvar soat 05:00 ga qadar tarmoqda 36,1 million qo‘ng‘iroq qilingan, 22,8 million SMS xabar yuborilgan va 1 million Gb dan ortiq internetdan foydalanilgan”, — dedi “Beeline Uzbekistan” kompaniyaning tijorat direktori Maksim Yefremov. – “Beeline Uzbekistan” tarmog‘ining har bir foydalanuvchisiga yuklamaga bardosh berish va do‘st va yaqinlarini Yangi yil bilan tabriklash imkoniyatini taqdim etish maqsadida texnik mutaxassislarimiz bayram kunlari tarmoq sig‘imini kengaytirib, kuchaytirilgan ish tizimiga o‘tishdi. Digital-operator mijozlari tomonidan 2022-yilning 31-dekabridan 2023-yilning 3-yanvarigacha foydalanilgan trafikning umumiy hajmi oshib bormoqda. Bayram kunlari “Beeline Uzbekistan” tarmog‘i foydalanuvchilari yaqinlari va do‘stlari bilan faol muloqot qilishdi, foto va videolarni tomosha qilishdi, yangi yil kayfiyatlari bilan o‘rtoqlashishdi. Natijada, digital-operator mijozlari bayram kunlarida sarflagan trafik hajmi 8,5 petabaytni tashkil etdi. Bu bir yil avvalgi Yangi yil bayramlariga qaraganda deyarli 75 foizga ko‘p, Yangi yil kechasining o‘zida esa ma’lumotlar uzatish 77 foizga oshgan.