Telefon menyusiga kiring, “Xabar” bandini va o‘sha yerda “Yangisini yozish”ni tanlang. Telefon ekranida o‘chib yonuvchi kursor paydo bo‘lganda, xabar yozishga kirishish mumkin. Klaviatura yordamida xabarni tering: telefon tugmalarida raqamlar bilan yonida harflar ham yozilgan. Kerakli harfni yozish uchun muvofiq keladigan tugmani kerakli harf ekranda paydo bo‘lguncha bosing (bu bir necha marta bosishni talab etishi mumkin).

SMS-xabar matnining maksimal uzunligi – lotincha harflar qo‘llanilganda 160 ta belgi va kirillchada esa 70 ta belgidan iborat. Ayrim telefonlarda bir qancha xabarni bittaga “yopishtirish” imkoniyatlari mavjud. Shu bilan birga uzun “yopishtirilgan” xabarni jo‘natish narxi unda birlashtirilgan xabarlarning miqdoriga bog‘liq bo‘ladi.

Xabar yozib bo‘lingach, telefon menyusida “Jo‘natish”ni tanlang va qabul qiluvchining telefon raqamini tering. Agar xabarni jo‘natishda xatolik yuzaga kelsa, telefon menyusining SMS sozlagichida +998901850488 qisqa xabar Markazi to‘g‘ri raqami ko‘rsatilganiga, “Xabarlar shakli” bo‘limida esa, “matn” tanlanganiga ishonch hosil qiling.

Agar SMS oluvchi vaqtincha aloqa doirasida bo‘lmasa, tizim xabarni egasiga yuborilgan paytdan boshlab bir sutka davomida yetkazishga harakat qiladi. Xabar hatto suhbat vaqtida ham yetib kelishi mumkin.

SMS

Xizmat parametrlari