Beeline Uzbekistan Toshkent viloyatida yangi baza stansiyalarini ishga tushirdi

Aloqa va internet xizmatlari bo‘yicha dunyoning yetakchi provayderi bo‘lgan VEON kompaniyasini respublikada taqdim qiluvchi Beeline Uzbekistan Toshkent viloyatida o‘z tarmog‘ini kengaytirishda davom etmoqda. Toshkent viloyatining Olmaliq, Angren, Bekobod, Nurafshon, Pskent, Chirchiq va Yangiyo‘l shaharlarida, Oqqo‘rg‘on, Ohangaron, Bekobod, Bo‘stonliq, Bo‘ka, Zangiota, Qibray, Parkent, Pskent, Chinoz, O‘rtachirchiq, Yuqorichirchiq va Yangiyo‘l tumanlarida yangi baza stansiyalri ishga tushirildi.

Qo‘shimcha baza stansiyalar tarmoqni yukini yengillashtirish va uning sig‘imini oshirish imkonini beradi, bu digital-operator abonentlari sonining ortib borayotganini hisobga olgan holda ayniqsa muhimdir. O‘rnatilgan baza stansiyalarning aksariyati yuqori tezlikdagi mobil Internetga ega 4G texnologiyasini qo‘llab-quvvatlaydi. Yil boshidan buyon poytaxt viloyatida 200 dan ortiq baza stansiyalari qurildi. 

Eslatib o‘tamiz, yil boshidan beri “Beeline Uzbekistan” digital-operatori O‘zbekistonda 2100 dan ortiq baza stansiyalarini o‘rnatgan.

***

“Unitel” MChJ 2006-yilning 12-sentabirdan boshlab “Beeline Uzbekistan” savdo belgisi ostida xizmatlar ko‘rsatib kelmoqda. Beeline Uzbekistan bosh qarorgohi Amsterdam shahri (Niderlandiya)da joylashgan VEON xalqaro telekommunikatsiya xoldingi tarkibiga kiradi.

VEON 7 mamlakatda 200 milliondan ortiq obunachiga ega global telekommunikatsiya va internet xizmatlarining provayderi. Uning aksiyalari NASDAQ va Euronext Amsterdam fond bozorlarida joylashtirilgan.

Beeline Uzbekistan’da 1.6 mingga yaqin xodim ishlaydi. 2006-yildan buyon O‘zbekiston bozoriga kirishi bilan VEON mamlakat telekommunikatsiya sohasiga 1.4 milliard AQSH dollaridan ortiq sarmoya kiritdi. Beeline SB’ning O‘zbekistondagi faoliyati davomida 1.9 milliard dollardan ortiq soliq to‘langan.

Sayt: beeline.uz

Facebook: fb.com/beeline.uz

Instagram: @beeline_uzbekistan

Telegram: t.me/beelineuzbekistan 

Twitter: twitter.com/beeline_uz

LinkedIn: linkedin.com/company/beeline-uzbekistan/