Beeline Uzbekistan geotahlili biznesga yordam bermoqda: “Samarqand Darvoza” savdo markazi raqamli operatorning Big Data imkoniyatlaridan qanday foydalanmoqda

Beeline Uzbekistan VEON Group tarkibiga kiruvchi VEON AdTech kompaniyasi bilan hamkorlikda “Samarqand Darvoza” savdo markaziga tashrif buyuruvchilar soni va tarkibini tahlil qilishda shaxsiylashtirilgan integratsiyalashgan yondashuvni qo‘lladi. Bu aniq ma'lumotlar, algoritmlar va sun'iy intellekt asosida reklama integratsiyalari samaradorligini baholash va savdo-ko'ngilochar majmuasining daromadini oshirishga yordam beradi.

Loyihani amalga oshirish uchun Big Data, sun’iy idrok va geotahlil bo‘limi xodimlari 2023-yil yozida savdo markazi auditoriyasini tahlil qilib, “Samarqand Darvoza”ning standart begim kunlari va savdo markazi ichida aksiyalar va tadbirlar o‘tkazilgan kunlar bilan taqqoslab, odam o‘tish imkoniyatini baholadilar.

• Eng yirik xaridorlar guruhi — 26 yoshdan 35 yoshgacha bo'lgan erkaklar, odamlar soni eng ko‘p bo‘lgan vaqt soat 21:00 ga to‘g‘ri keldi;
• “Samarqand Darvoza” savdo markaziga kuniga 18 000 dan ortiq kishi tashrif buyuradi;
• Tashrif buyuruvchilarning asosiy qismini Toshkent shahri va Toshkent viloyati aholisi tashkil etadi, savdo markaziga tashrif buyurganlarning 15% boshqa shahar va viloyatlardan kelgan;
• Begim kunlari xaridorlarning 14% dan ortig'i yangi o'yin maydonchasiga kelgan va deyarli 20% faqat oziq-ovqat maydoniga qiziqish bildirgan.

Dam olish kunlarida qatnov begim kunlariga qaraganda yuqoriroq, ammo istisnolar ham bor. Masalan, Qurbon hayiti bayramining birinchi kunida savdo markazi mehmonlari soni 8% ga kamaygani qayd etilgan. VEON AdTech ekspertlari bu kun oila va yaqinlar davrasida o‘tkazilishi an’anasi bilan bog‘lashadi. Ma'lumotlar tahlilchilarining xulosalari “Samarqand Darvoza” rahbariyatiga xaridorlarning portretlarini aniqlashtirishda yordam beradi, ya’ni mijozlarni jalb qilish uchun marketing vositalaridan foydalanish samaradorligini oshiradi.

— Big Data massivlari Oʻzbekistonda joylashgan ixtisoslashtirilgan axborot markazida qayta ishlandi. O'n millionlab hodisalar va shaxssizlashtirilgan ma'lumotlar massivlari tahlil etildi: masalan, uyali signal trafigi prediktiv tahlil, triangulyatsiya va sun'iy idrok usullaridan foydalangan holda bir qator maxsus algoritmlar yordamida qayta ishlandi. Natijalarning aniqligini oshirish maqsadida yaqin-atrofdagi tasodifiy piyodalar va IT qurilmalarini ham chiqarib tashladik, — deya ta’kidlaydi raqamli operatorning Big Data yoʻnalishi rahbari Bekzod Suvanqulov.

Tadqiqot davomida olingan maʼlumotlar massivlarini qayta ishlash natijalariga koʻra, savdo markaziga kuniga oʻrtacha 18 mingdan ortiq kishi tashrif buyurganligi tasdiqlandi Eng yirik xaridorlar guruhi 26-35 yoshdagi erkaklar. 18-25 va 36-45 yosh toifalaridagi erkaklar yetakchiga aylangan, katta avlod mehmonlari orasida esa koʻproq poytaxtga mehmon boʻlib kelgan ayollar tashrif buyurishgan. Toshkentga Respublikaning boshqa shahar va viloyatlaridan kelgan mehmonlar ulushi deyarli 15% ni tashkil etdi.

Loyihada VEON Group tarkibiga kiruvchi VEON AdTech kompaniyasi mutaxassislari ishtirok etdi. Ushbu yuqori texnologiyali bo'linma Big Data tahlilining zamonaviy usullari, jumladan, iste'molchi xatti-harakatlarini o'rganish va biznes mahsulotlarini reklama qilish uchun noyob mahsulot yechimlarini ishlab chiqishga ixtisoslashgan. Ushbu dasturiy mahsulotlar Beeline Uzbekistan uchun moslashtirilgan va VEON Group kompaniyalari joylashgan boshqa mamlakatlarda, masalan, Pokistonda JAZZ va Bangladeshdagi Banglalink kompaniyasida joriy etilgan.

  — Loyiha natijalaridan juda mamnunmiz. Tahliliy ma'lumotlar bizga auditoriyamiz va ularning ehtiyojlarini yaxshiroq tushunishga yordam berdi. Biz bu ma’lumotlardan ishimizni yaxshilash uchun foydalanishga kirishdik va tahlil natijasida savdo markazining samaradorligi va rentabelligi oshishiga ishonchimiz komil, – deydi “Samarqand Darvoza” savdo majmuasi tijorat direktori Shokir Mirsaidov.

Loyiha Beeline Uzbekistan va “Samarqand Darvoza” savdo markazi o‘rtasidagi chakana biznes tahlili sohasidagi hamkorlikning bir qismiga aylandi. Kelajakda kompaniyalar xaridlar va tashrif buyuruvchilarning xatti-harakatlari haqida ko'proq ma'lumotlarni kiritish uchun loyihani kengaytirishni rejalashtirmoqda.

Raqamli operatorning katta ma'lumotlariga asoslangan geotahlil korxonalarga ijarachilarni tanlashda, marketing faoliyatida zarur yondashuvlarni tahlil qilishda va tashrif buyuruvchilar uchun takliflarni shaxsiylashtirishda yordam beradi. Bu sodiqlik va auditoriya hajmini oshiradi, yangi tashrif buyuruvchilarni jalb qiladi hamda chakana va ulgurji biznesda savdo o'sishiga ijobiy ta'sir ko'rsatadi. Beeline Uzbekistan Big Data tahlili VEON AdTech ekspertlari ko‘magida savdo, xizmat ko‘rsatish va restoran biznesida trafik va sotuvlarni oshirishning sertalab vositasiga aylanmoqda.