«Beeline App» xizmatini ulab Siz bir vaqtning o'zida bir qator noyob afzalliklarga ega bo'lasiz:
- birinchi marta ulanganda sizga cheklanmagan miqdorda yuklamalarni 3 kunga bepul foydalanish uchun taqdim etiladi.
- reklama yo'qligi
- turli janrlarda ko'plab o'yinlar va mobil ilovalar
«Beeline App» xizmatiga qanday ulansam bo’ladi?
Xizmatni quyidagi tarzda ulashingiz mumkin:
- http://app.beeline.uz saytiga kirib,
- Obunani tanlang
yoki
- 1 sonini SMS xabar orqali 18100 (kunlik obuna) yoki 18101 (oylik obuna) qisqa raqamlariga yuborish orqali
- Obuna muvaffaqiyatli ulangandan so'ng, sizga tasdiqlovchi SMS keladi.
Katalogdagi o'yinlar va ilovalar qanchalik tez yangilanadi?
Katalog har hafta yangilanib boradi. Har bir yangilanish uchun hamkorimizning kontent menejerlar jamoasi eng yaxshi o'yinlar va ilovalarni tanlab joylashtirishadi.
Wi-fi orqali ilovalarni yuklab olish mumkinmi?
Ilovalarni wi-fi orqali yuklab olish uchun avval mobil internetdan foydalanib http://app.beeline.uz saytiga kirib, obunani faollashtirish kerak. Shundan so'ng siz wi-fi ga ulangan holda http://app.beeline.uz saytiga kirib, avvalgi kirilgan mobil brauzerdan foydalanib, ilovalarni yuklab olishingiz mumkin.
Xizmat uchun to'lov qanday amalga oshiriladi?
To'lov mobil hisobingizdan amalga oshiriladi.
Kuniga 1299 so'm (kunlik obuna)
Oyiga 24 999 so'm (oylik obuna)
Xizmatga kirishda abonent to'lovini o'z vaqtida to'lash majburiy shartlardan biridir. Xizmatga kirishda abonent to'lovi yechilishi paytidan boshlab Toshkent vaqti bilan keyingi kunning soat 00:00 gacha taqdim etiladi. Abonent to'lovining yechilishi abonentning shaxsiy hisobidan har kuni, Toshkent vaqti bilan soat 00:00 dan 06:00 gacha yoki tanlagan tarif rejaga qarab har oyda amalga oshiriladi.
Internet trafik uchun to'lov qanday amalga oshiriladi?
Agar xizmat ulangan bo'lsa, Beeline abonentlari uchun xizmat doirasida kiruvchi va chiquvchi mobil internet-trafik narxlanmaydi.
«Beeline App» xizmatini qanday o'chirish mumkin?
Xizmatni quyidagi tarzda o'chirishingiz mumkin:
- http://app.beeline.uz saytiga kirib, «Profil» bo'limiga o'tgan holda (sahifaning tepa qismida) «Obunani bekor qilish» tugmasini bosish orqali.
- 18100/18101 qisqa raqamiga "0" sonini SMS xabar yuborish orqali.
«Beeline App» xizmatida qaysi janrdagi o'yinlar taqdim etiladi?
Bugungi kunda ushbu xizmatda o'yin kontentining eng mashhur janrlarini topishingiz mumkin, masalan: Action, Adventure, Arcade, Board, Brain & Puzzle, Cards & Casino, Casual va boshqalar.
Xizmatdan shaxsiy kompyuter yoki noutbuk orqali foydalanishim mumkinmi?
http://app.beeline.uz saytidagi ilovalar faqat mobil qurilmalarda foydalanish mumkin bo'lganligi sababli, Siz shaxsiy kompyuter yoki noutbukdan foydalana olmaysiz. Ilovalarni yuklash uchun Siz mobil telefondan yoki smartfondan http://apps.beeline.uz saytiga kirishingiz kerak.
Menda iPhone/iPad bor, ilovalarni yuklab olsam bo'ladimi?
«Beeline App» xizmati iOS operatsion tizimiga asoslangan qurilmalar uchun faqat online ilovalar uchun amal qiladi.
Menda Windows Phone operatsion tizimidagi telefon bor (masalan, Nokia Lumia), ilovalarni yuklab olsam bo’ladimi?
«Beeline App» xizmati Windows Phone operatsion tizimiga asoslangan qurilmalar uchun amal qilmaydi.
«Beeline App» xizmatidan foydalanishda ilovalarni yuklab olish uchun qanday platformalar mavjud?
Android, Symbian, Java platformalari mavjud
Menda Android platformasida telefon bor, lekin ilovani yuklab olish imkoniyati bo’lmayapti, nima qilishim kerak?
Ilovani Android OS asosida ishlaydigan qurilma yordamida yuklab olish uchun avval siz turli xil manbalardan olingan ilovalarni o'rnatishga ruxsat beruvchi sozlashlarni amalga oshirishingiz kerak. Buning uchun qurilmangizning «Sozlamalar» (“Settings”) menyusiga o'ting, «Xavfsizlik» (“Security”) menyusini tanlang, «Noma'lum manbalar» (“Unknown sources”) menyusini tanlab, turli manbalardan ilovalarni o'rnatishga ruxsat bering.
«Beeline App» xizmatiga qaytadan ulanganimda 3 kunlik bepul foydalanish imkoniyati beriladimi?
Yo'q, bepul muddat faqat yangi foydalanuvchilarga bir marta taqdim etiladi.
VPN orqali ulanib foydalansam, trafik bepul bo'ladimi?
Proksi-serverlar (shu jumladan VPN) orqali ishlaydigan brauzerlardan foydalanganda «Beeline App» xizmatidagi aksiya bo'yicha cheksiz va narxlanmaydigan trafik faollashtirilmaydi.
O'zbekistondan tashqarida «Beeline App» xizmatidan foydalanish mumkinmi?
«Beeline App» xizmati O'zbekiston Respublikasi hududida ham, undan tashqarida ham internetga ulanishning istalgan kirish nuqtasidan foydalanish imkoniyatiga ega bo'ladi. O'zbekiston Respublikasidan tashqarida xizmatga ulanganda kiruvchi va chiquvchi internet-trafik roumingda belgilangan standart tariflarga muvofiq narxlanadi.
